Сирени за тревога ќе се огласат утре претпладне во Скопје, а раскрсниците кај амбасадата на САД ќе бидат затворени, поради заедничката вежба што ќе ја вршат припадници на Министерството за внатрешни работи (МВР) и персоналот од амбасадата на САД во рамките на амбасадата.

Како што соопшти МВР, сирените ќе може да ги чујат граѓаните на Скопје, а со затворањето на раскрсниците ќе се направи само кус застој во сообраќајот.

„Целта на заедничката вежба е поефикасна координација меѓу МВР и Американската  амбасада при преземање активности за справување со кризни ситуации“, нагласува МВР.