fbpx

Синдикалците од УКИМ бараат средба во Владата за да договорат повисоки плати

-

Претставниците на Сојузот на синдикати на најстариот универзитет во државата „Св. Кирил и Методиј“, бараат средба со владини претставници, за да се обезбеди како што велат, достоинствена плата за вработените на универзитетот. Во соопштение потпишано од претседателот на Сојузот, проф. д-р Ангел Ристов, стои дека синдикалците се надеваат дека Владата ќе покаже разбирање како и за другите дејности во државата на кои неколкукратно досега им била зголемена платата.

„Очекуваме Владата да покаже разбирање и подготвеност за потпишување на нашиот колективен договор со што ќе се обезбеди достоинствена плата за вработените на УКИМ“, наведено е во соопштението.

Во спротивно, се додава во соопштението, синдикалците велат дека ќе организираат протести пред Владата за, како што појаснуваат, заштита на правата и стандардот на вработените на УКИМ.

„Ќе бидеме принудени, за ограничувањето на автономијата, да ги известиме постојаната Мисија на ЕУ, Меѓународната организација на трудот, Меѓународните синдикати од областа на образованието и амбасадите на САД и земјите членки на ЕУ“, наведено е во дописот.

Минатата недела, пред Ректоратот на Универзитетот „Св. Кирил и Методиј“ вработени одржаа мирен протест, изразувајќи незадоволство од, како што рекоа, влошената материјална положба на вработените.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...