Силен земјотрес со јачина од 7,3 степени во близина на брегот на Фукушима на северот на Јапонија предизвика предупредување за цунами. Јапонската метеоролошка агенција соопшти дека земјотресот се случил на 36 милји под морето, пренесе АП.
Регионот е дел од северна Јапонија, која беше уништена од смртоносниот земјотрес и цунами од 9 степени пред 11 години, кои исто така предизвикаа топење на нуклеарните централи. Земјотресот во средата се случи само неколку дена откако областа ја одбележа 11-годишнината од катастрофата во март 2011 година.
Агенцијата издаде предупредување за цунами за наплив на море до еден метар во делови од префектурите Мијаги и Фукушима. Националната телевизија НХК соопшти дека цунамито можеби веќе стигнало до некои области.
Токио Електрик Пауер Компани Холдингс, која управува со нуклеарната централа „Фукушима Даичи3, која претрпе повеќекратно топење по земјотресот и цунамито во 2011 година, што ги уништи нејзините системи за ладење, рече дека работниците проверуваат дали има нанесени штети.
Земјотресот потресе големи делови од источна Јапонија, вклучително и Токио, каде зградите силно се тресеа.
Засега нема информации за жртви или материјална штета.
