fbpx

Швајцарија воведе двонеделен карантин за патниците од Западен Балкан

-

За патниците кои пристигнуваат во Швајцарија од Северна Македонија, Србија, Црна Гора, Босна и Херцеговина и Косово од денеска е воведен задолжителен двонеделен карантин. Албанија е единствената земја од Западен Балкан што не се најде на ажурираната листа на швајцарскиот Завод за јавно здравје, на која во моментов се наоѓаат 16 земји од целиот свет. Единствените земји кои се тргнати од швајцарската листа се Белорусија и Шведска, чии граѓани во наредниот период нема да треба да одат во карантин по нивното влегување во Швајцарија.

За македонската дијаспора во Швајцарија ова практично значи дека ќе можат да допатуваат без никаков проблем на аеродромите во Скопје и Охрид, но штом се одлучат да се вратат назад во Швајцарија, ќе бидат приморани како и сите други патници да одат во 14-дневна домашна самоизолација.

Сите оние кои планираат патување во Швајцарија, своето доаѓање треба да го пријават во надлежната кантонална институција. Казни од 10.000 швајцарски франци се предвидени за оние граѓани кои ќе се обидат да го избегнат карантинот или нема да го пријават нивното доаѓање во Швајцарија кај властите.

Швајцарија од 6 јули почна да воведува задолжителен двонеделен карантин за патниците кои доаѓаат од одредени земји од светот, поради порастот на бројот на новозаболени лица од ковид-19.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...