fbpx

Штрајк во државните болници во Грција

-

Лекарите, медицинските сестри и персоналот на итната помош на државните болници на Грција и на здравствените домови денеска почнаа 24-часовен штрајк во знак на протест поради недостигот од персонал и недоволното финансирање на здравството, како и поради доцнењето на платите предизвикано од финансиската криза во Грција.

Болниците работат со минимален персонал, а повеќето од вработените денеска ќе протестираат пред Министерството за здравство.

Синдикатот на вработените во државните болници соопшти дека здравството е загрозено поради недостигот на персонал и недоволното финансирање. Тие тврдат дека преговорите на државата со кредиторите не создаваат услови за решавање на наталожените проблеми и оти здравството оди во безизлезна состојба.

Новата грчка влада се бори да се договори за реформите кои кредиторите ги бараат во замена за средствата од пакетот кредитна помош, која ѝ е потребна на Грција за да го избегне прогласувањето мораториум на сите плаќања следниот месец.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Контраспин: Силјановска не ги седна пензионерите во ложата на „Мапет шоу“

Контекстот во кој претседателската кандидатка на ВМРО-ДПМНЕ ја кажа репликата за „Мапет Шоу“, беше сосема поинаков од оној што го претстави СДСМ. Самата реплика воопшто не се однесуваше на...