Претседателот Стево Пендаровски се сретна со претседателот на Сојузна Република Германија, Франк-Валтер Штајнмајер во Берлин, во рамки на официјалната посета.

„На средбата двајцата претседатели разменија мислења за севкупните билатерални односи меѓу Република Северна Македонија и Сојузна Република Германија, состојбите во регионот, како и за аспирациите на државата за членство во Европската унија и во НАТО. Двајцата претседатели оценија дека двете држави имаат одлични билатерални односи, како на политички план, така и во повеќе други сфери од заеднички интерес, како што се одбраната и безбедноста, економијата и образованието. Во изминатата година, нагласи претседателот Пендаровски, двете држави остварија трговска размена од 4,3 милијарди долари, а во 2019 година тој износ веќе надминува една милијарда долари, со што Германија е на врвот на листата на трговски партнери на Северна Македонија“, се вели во соопштението од Кабинетот на претседателот.

Претседателот Штајнмајер ја потврдил цврстата поддршка на Германија за интеграцијата на Северна Македонија во Европската Унија и во НАТО.