Германскиот социјалдемократски канцелар Олаф Шолц (66) денес потврди дека ќе побара гласање за доверба на владата на 11 декември, а Бундестагот потоа ќе гласа на 16 декември, отворајќи го патот за вонредни избори што ќе се одржат на 23 февруари следната година.
„Дозволете ни, за доброто на земјата, да работиме заедно до новите избори“, апелираше тој до пратениците во Бундестагот.
Како што пишува Гардијан, Шолц кажува и дека ќе му треба поддршка од опозициската ЦДУ за да ги спроведе преостанатите владини реформи пред да се распушти парламентот.
Тој нагласува дека ако овие прашања – вклучително и даночните реформи предложени од неговиот поранешен министер за финансии и зголемувањето на плаќањата за детска поддршка – не бидат усвоени, ЦДУ ќе биде виновна.
По неговото обраќање, зборуваа и лидерот и кандидат на ЦДУ/ЦСУ за иден канцелар Фридрих Мерц, шефицата на дипломатијата Аналена Бербок, лидерот на ФДП Кристијан Линднер, кандидатот на АфД за канцелар Алис Вајдел. На седницата ќе се обрати и лидерот на Христијанско-социјалната унија и премиер на Баварија Маркус Зедер.
