fbpx

Шилегов: Обвинителството да не соучествува, туку да го расчисти насилството во Собранието

-

Јавното обвинителство мора целосно да го расчисти насилството во Собранието, каде се случи загрозување на уставниот поредок и на безбедноста, беше направен обид за убиство на пратеници, беа нападнати новинари и вработени во Собранието. Ова денеска на прес-конференција го истакна пратеникот и портпарол на СДСМ, Петре Шилегов.

Тој нагласи дека кривичните дела сторени во Собранието мора да се решаваат брзо и ефикасно и дека тоа го очекува целата македонска, но и меѓународната јавност.

– Секое несоодветно постапување од Јавното обвинителството и од надлежните обвинители го прави овој државен орган, и нив поединечно, соучесници и помагачи на извршеното насилство кон највисокиот законодавен дом на Република Македонија. Ваквото непостапување на Јавното обвинителство, дополнително ги охрабрува демонстрантите, па вчера резултираше со дополнителни закани и со насилничка реторика на учесниците на протестите – рече Шилегов.

Млаката реакција на обвинителството, според Шилегов, ги мотивира учесниците и организаторите на протестите да повикуваат на насилство, а пример за ова, како што рече, се заканите по животот упатени кон високи функционери на СДСМ, за време на вчерашните протести.

– Го повикуваме обвинителството да работи сериозно, да ги утврди сите кривични дела што претставуваат уривање на законодавниот дом и правилно, правно да ги квалификува истрагите и обвиненијата. Да бидат опфатени сите лица што го нарачале, помогнале и го извршиле нападот врз Собранието, пратениците, полицијата, вработените и новинарите во Собранието – рече Шилегов.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Распишан конкурс за наградата „23 Октомври“

Одборот за доделување на државната награда „23 Октомври“, распиша конкурс за доделување на државната наградата за 2024 година. „Со државната награда се оддава највисоко признание за долгогодишни остварувања во областа...