Шест лица ги загубија животите а шест се повредени во страотна сообраќајна несреќа во североисточна Грција, близу градот Александруполи, јави грчката државна телевизија ЕРТ.
Директниот судир на автопатот „Егнатиа“ се случил поради автомобил ауди А4, што превезувал илегални мигранти и во кој имало вкупно 10 луѓе. Тој влетал во спротивната лента на излезот од автопатот кај Макри со огромна брзина, во обид да избегне полициска контрола. Набргу на автопатот се судрил директно со автомобил со којшто управувал 45-годишен Грк, што се враќал од работа.
Меѓу шестемина загинати се и двајцата возачи, а шестмина од илегалните мигранти се пренесени в болница.