Шест лица се пронајдени живи под урнатините на хотел во планинска област во италијанскиот регион Абруцо.
Врз хотелот пред два дена се урна лавина, а претставниците на противпожарните бригади наведуваат дека преживеаните допрва треба да бидат извлечени.
Првиот контакт со преживеаните е воспоставен околу 22 часот, јавува италијанската агенција.
Снежна лавина во средата го затрупа малиот хотел во кој имало 30 гости, меѓу кои и деца.
Лавината најверојатно тргнала по земјотресите.
Објавена е снимка од хеликоптер кој лета над затрупаниот хотел, а на снимката се гледаат само врвови од дрва и покривот на хотелот.
Досега две лица се спасени, а се стравува дека бројот на загинатите може да биде голем.
