Огромниот пожар што беснее на северот на Калифорнија однесе една жртва и билансот сега изнесува шест мртви, додека 10.000 згради се загрозени, соопштија синоќа американските власти.
Пожарот кај Ташахаре, јужно од Сан Франциско, однесе една жртва, додека пет загинале во други два пожари, исто така во Калифорнија.
Бројот на мртвите може да се золеми затоа што властите сè уште се обидуваат да влезат во сите погодени подрачја, додека во Калифорнија со шесте големи пожари се борат 9.000 пожарникари.
Само во двата пожари на исток и на север од Сан Франциско, изгореле повеќе од 2.600 згради и повеќе од 300 квадратни километри вегетација. Сегашните пожари се едни од најразорните во историјата на Калифорнија. Во централна Калифорнија, во близина на Фресна, изгореа речиси 600 квадратни километри земјиште.
Вкупната штета, според властите, може да достигне и стотина милиони долари.
Во САД горат дваесет големи пожари, кои досега уништиле 36.000 квадратни километри вегетација.
