На покана на француската Социјалистичка партија, потпретседателката на СДСМ, Радмила Шекеринска, престојува во неколкудневна работна посета на Франција, информираат од СДСМ.

Во Париз, Шекеринска ќе оствари повеќе средби, меѓу кои и таа со првиот човек на Социјалистичката партија – првиот секретар Жан Кристоф Камбадели и со неговиот дипломатски советник Пјер Канити.

Социјалистичката партија e најсилната политичка партија во францускиот парламент, а нејзиниот поранешен прв секретар, Франсоа Оланд, стана претседател на Франција на изборите во 2012 година.

Социјалдемократскиот сојуз на Македонија и Социјалистичката партија на Франција имаат долгогодишна соработка во рамките на Социјалистичката интернационала и Партијата на европските социјалисти.

Во рамки на посетата, Шекеринска ќе има серија средби и во фондацијата „Жан Жорес“.