fbpx

Шекеринска: Со многу труд ја спасивме препораката

-

Среќни сме што со многу напори, искрена посветеност кон граѓаните и кон Македонија, успеавме да ја спасиме препораката на Европската комисија за Македонија, рече денеска на прес-конференција заменик-претседателката на СДСМ, Радмила Шекеринска.

– Препораката, за жал, по 10 години од добиениот кандидатски статус, е условена и тоа е дело на несериозната актуелна власт. Тоа што е добро е што „Вистината за Македонија“ одекна и во Брисел. Високи претставници и членови на владата ја злоупотребиле својата моќ во сите сфери – судството, медиумите, изборниот процес и регулаторните тела. Има селективна правда, широко распространета корупција, закани врз новинари и сериозна згриженост за уредувачката политика на јавниот сервис МРТВ – рече Шекеринска.

Таа додаде дека реализацијата на Договорот од Пржино повеќе не е очекување само на граѓаните во Македонија, туку услов за Европската комисија да ја задржи препораката.

– Брисел денеска порача дека Европа ја сака Македонија со европски вредности. ВМРО-ДПМНЕ не сака таква Македонија. СДСМ продолжува да работи на нормализација на државата, заедно со вас, граѓаните. Одлучни сме, ја враќаме европска и слободна Македонија – рече Шекеринска.

Одговарајќи на новинарско прашање, таа рече дека изборите ќе бидат тест дали сè што е сменето во законите ќе биде реализирано во реалноста, додавајќи дека во Македонија многу договори станале „тоалетна хартија“, како и дека „власта ќе се обиде да бега од извештајот, но нема да избега“.

Како коментар-одговор на прашањето дека прислушувањето го вршеле високи владини функционери, таа рече дека „Вистината за Македонија“ одекнала во Брисел и оти и Груевски заборава да ги спомне странските служби, како и тоа дека материјалите се сечени, лепени и монтирани.

– За разлика од претходните години, овој извештај е кристално јасен и нема ниту дипломатски ракавици и дипломатски јазик. Иако ќе слушнеме многу варијанти на извештајот, тој е еден и порачува дека работите во Македонија ќе мора да се менуваат – рече Шекеринска.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...