Исмаил Малиќи, еден од 26 демонстранти кому денеска му беше поднесена кривична пријава, на вечерашниот протест порача дека и покрај пријавите, притисоците и заканите, учесниците на протестите на „Шарената револуција“ не се плашат од власта.
– Не ви се плашиме, секој ден сме сè побројни и еден ден ќе бидеме горди на ова што го правиме – рече Малиќи пред Собранието.
#ШаренаРеволуција и вечерва ја бои зградата на Влада на РМ. pic.twitter.com/JhMaZ8ncxT
— META.mk (@meta_agency) June 3, 2016
Поранешната министерка за труд и социјална политика, Фросина Ташевска-Ременски, му упати порака на лидерот на ВМРО-ДПМНЕ, Никола Груевски, дека е готово без разлика дали гатачката го предупредила на тоа или не.
– Булеварот пред Влада ќе го носи името на „Шарената револуција“ – порача Ташевска-Ременски.
Демонстрантите не беа спречени од дождот да ја бојадисаат зградата на Собранието, а претходно и да влезат во фонтаната на споменикот „Воин на коњ“, каде што ги обоија постаментот на споменикот и лавовите.
Демонстрантите влегоа во фонтаната на споменикот Воинот на коњ и ја обоија #ШаренаРеволуција #протестирам pic.twitter.com/xLTRPIce0E
— META.mk (@meta_agency) June 3, 2016
Претходно тие ја бојадисаа и зградата на Владата.
Вечерва тие протестираа против работата на полицијата за приватни интереси, а мотото на протестот беше „Кривиот пишува кривични“.
