Неколку стотици граѓани денеска на протестот на „Шарената револуција“ со бојадисување на оградата на Владата, на зградата на Министерството за правда и на Собранието и порачаа на власта дека не се плашат од полициските сослушувања и снимања.
На протестот, кој се одржа под паролата „Став наместо страв“ говореа активистката Рената Јајоска и пратеничката на СДСМ, Лидија Димова.
Ишарана оградата на Влада на протестот на #ШаренаРеволуција #протестирам pic.twitter.com/nmI6a5H6de
— META.mk (@meta_agency) May 24, 2016
– Ќе протестираме се додека нелегитимниот претседател не ја повлече аболицијата. Нема да дозволиме фикусот Иванов да биде давеничката сламка на Груевски. Нема да дозволиме од Република Македонија да направат Контрарепублика Македонија – рече Јајоска.
Пратеничката Димова порача дека власта, можеби, конечно ќе научи нешто од „информативните“ разговори. Таа говореше за корупцијата и за владата, која, како што рече, не само што краде, манипулира, туку и убива.
Повторно обоено министерство за правда #протестирам pic.twitter.com/YFvfzek3tW
— META.mk (@meta_agency) May 24, 2016
Димова потсети на мистериозното самоубиство на новинарот Владо Таневски, кој во затвор се удави во кофа со вода, на убиството на Мартин Нешковски и на смртта на новинарот Никола Младенов.
Со бојадисување на Собранието заврши протестот на #ШаренаРеволуција #протестирам pic.twitter.com/T8ByXoC5hz
— META.mk (@meta_agency) May 24, 2016