Граѓани кои протестираат како дел од „Шарената револуција“ и граѓанската иницијатива „Протестирам“ денеска во 12 часот блокираа неколку крстосници во Скопје. Крстосниците на „Бит пазар“, кај Црвен крст и пред Соборниот храм беа блокирани од граѓани со знамиња на Република Македонија и неколку возила на кои пишува „#Протестирам“.
„Ова е блокада за правда и слобода. Ова е блокада против аболиции за криминалци. Ова е блокада за граѓанскиот глас да продре подлабоко во системот кој е окупиран од режим. Ги замолуваме сите граѓани за трпение и за поддршка! Ако се соочите со блокада, приклучете се, свирнете за поддршка, свирнете за себе и за слободна Македонија“, напишаа од „Шарената револуција“ на „Фесјбук“.
Блокирана крстосницата кај Соборниот храм #шаренареволуција #протестирам pic.twitter.com/v1eIsWTQRu
— META.mk (@meta_agency) June 1, 2016
Александар Младеновски од „Шарената револуција“ им се извини на граѓаните на Скопје за денешната блокада на три крстосници, но вели дека тоа е во интерес на сите.
– Овој систем веќе не смее да глуми нормалност. Ги прегазија сите можни чекори и рамки. Во последните денови сме под закана и под огромен притисок да престане „Шарената револуција“ но ние не само што нема да престанеме туку ќе продолжиме во секаков вид. Нашите барања се веќе познати и ќе бидеме издржливи се додека не се исполнат. Нашиот вид на протест од ден на ден ќе го менува својот вид така да ќе продолжиме и да протестираме како и да преземаме други мерки – рече Младеновски.
Блокирана крстосницата пред Бит пазар #шаренареволуција #протестирам pic.twitter.com/2so3ylCXex
— META.mk (@meta_agency) June 1, 2016
