Во филмската програма за месец февруари, Кинотеката на Северна Македонија ни подготвува проекции на два македонски играни филмови, еден во македонска копродукција, оддава акцент на француската продукција и кинематографија, ќе може да се проследат и неколку кратки експериментални филмови.
Програмата започнува утре со првото прикажување на „Сестри“ од режисерката Дина Дума во 18:00 часот. На проекцијата ќе бидат присутни и креаторката Дума и актерките Антонија Белазелкоска и Миа Жиро со кои по завршувањето на филмот публиката ќе има можност да разговара.
- „Сестри“ ќе се емитува во текот на целиот месец, 2 февруари (среда), 20:00, 3 февруари (четврток), 18:00, 5 февруари (сабота), 20:00, 7 февруари (понеделник), 20:00, 11 февруари (петок), 20:00, 12 февруари (сабота), 20:00, 28 февруари (понеделник), 20:00.
- „Македонско-турскиот филм, „Самоуништување“ во режија на Ербил Алтанај и сценарио на Сашко Насев е урбана трагикомедија чија тема е распаѓањето на семејството, кризата на поединецот врзана со духот на времето во кое се случува дејството, семејна морална драма која може да се смести и во кое било време и место. Во Кинотеката ќе се прикаже на 1 февруари (вторник) 20:00, 2 февруари (среда) 18:00 и 3 февруари (четврток) во 20:00 часот.
- Францускиот игран филм „Демиен сака да го промени светот“ (Damien veut changer le monde / Adopt a Daddy) во Кинотеката достапен на 4 февруари. Демиен работи во основно училиште и води тивок живот. За да ги спаси Бахзад, еден од неговите млади студенти, и неговата мајка, од скорешно протерување од земјата бидејќи се емигранти, Дамјан повторно се поврзува со милитантното минато на неговите родители и ја убедува неговата сестра Мелани – која во меѓувреме станала успешна деловна адвокатка – нејзината најдобра пријателка Руди и еден куп други ликови да го потпомогнат во неговата нова битка за опстанок. Солидаризирајќи се меѓусебно, тие ќе го прекршат законот и нивните очекувања многу бргу ќе бидат надминати.
- Деби филмот на сценаристката и режисерка Башоли, „Улиште“ е трикратен добитник на награда на 38 филмски фестивал „Санденс“ во САД годинава, како и официјален косовски кандидат за наградата „Оскар“ за најдобар меѓународен филм. Филмот е во копродукција меѓу Косово, Македонија, Чешка, Луксембург и Албанија. Во Кинотека ќе биде достапен на 8 февруари (вторник) во 20:00, 9 февруари (среда), 18:00, 10 февруари (четврток) 20:00 15 февруари (вторник), 20:00, 16 февруари (среда), 20:00 и 28 февруари (понеделник) во 18:00 часот.
Месецов ќе бидат прикажани и шест кратки филмови на македонскиот уметник и писател Илија Павлов. Павлов е комплетен автор на своите филмови (сценарио, режија, монтажа и камера), ја основал својата продуцентска куќа „Персона филм“ преку која ги продуцира сите свои досегашни филмови. Документарниот филм „1963: Добра ноќ Скопје“, краткиот игран филм „Излез“, експерименталниот „Од љубов“, „Борец: Томче Павлов“, документарен, и кратките експериментални филмови „Изгубени во животот“ и „Дух“ ќе се најдата на платното ви Кионтека на 4, 5 и 7 февруари од 18:00 часот.
Месец февруари Кинотеката ќе го проследи со повеќе европски филмови за кои дополнителни информации може да се пронајдат на официјалната страна.
На 26-ти февруари (сабота) ќе биде организиран „Прешернов ден“, по повод денот на словенскиот поет, Франце Прешерн, во организација на „Словенечки Центар – Скопје“.
