Лидерот на коалицијата Алијанса за Албанците, Зијадин Села, пристигна во Собранието каде што во секој момент треба да почне седницата за законот за јазиците.
– Не сум дел од Владата, дојдов да гласам за закон според договорот што го имавме кога се формираше Владата – кусо изјави Села.
Законот за употреба на јазиците е во трето читање во Собранието, а од ВМРО-ДПМНЕ поднесоа 35.569 амандмани со образложение дека законот е неуставен и треба да се повлече.