fbpx

Сексуалните работнички маршираа против насилството врз нив

-

По десетти пат денеска на улицата Македонија се одржа традиционалната годишна парада за правата на сексуалните работнички, овој пат под мотото „Стоп за насилството врз сексуалните работнички“.

„Сексуалните работнички го креваат гласот против насилството. Повеќе од една деценија се одбележува. Оттука имаме резултати после десет години има силна заедница и поддржувачи и горди сме за тоа. Но, нема слух од институции, професионални социјални служби и полиција. Ве молиме да ги тргнете на страна предрасудите и осудите“, порачаа сексуалните работнички од маршот на црвените чадори.

Како и претходно и годинава организатор на маршот се граѓанската иницијатива за заштита и унапредување на правата на сексуалните работници „Стар-стар“ во соработка со коалицијата „Сексуални и здравствени права на маргинализираните заедници“.

На денешниот марш синоќа му претходеше перформанс на излози на скопскиот булевар Св. Климент Охридски, преку кој сексуалните работнички, во стилот на улицата на „Црвените фенери“ во Амстердам се обидоа да го свртат вниманието на јавноста кон овие горливи проблеми.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Сојузот на синдикати најави три протести, првиот ќе се одржи во вторник

Работниците и граѓаните повеќе немаат изговор да не учествуваат на протестите што ги организира Сојузот на синдикатите на Македонија (ССМ), рече првиот човек на Сојузот, Слободан Трендафилов, на прес-конференција...