Вкупно 788 нови случаи на ковид се регистрирани во текот на изминатото деноноќие, информира Министерството за здравство. Направени се 1.631 тестови, а најголем број од заразените се евидентирани во Скопје, 350. Процентуално, 48 отсто од тестираните се позитивни на ковид. Од вкупниот број позитивни лица, регистрирани се 191 реинфекции, а освен тоа, евидентирани се и 541 оздравен пациент.
Во текот на изминатите 24 часа пријавени се две починати лица од Струга (89г) и Охрид (92г), двајцата се починати во болнички услови.
„Согласно Регистарот на умрени лица со дијагноза ковид-19 од системот на „Мој Термин“ се регистрирани две починати лица од Куманово (81г) и Гостивар (78г). Двајцата се починати во домашни услови. Лицата се пријавени за починати во период од 7 до 12 јули“, информираат во министерството.
Досега во земјата се направени вкупно 2.104.009 тестирања на ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 321.386, бројот на оздравени пациенти е 308.199, на починати е 9.349, а бројот на активни случаи изнесува 3.838.
