Денеска во касарната „Страшо Пинџур“ ќе се одбележи седумгодишнината од трагичната хеликоптерска несреќа кај Катлановско блато, во која загинаа 11 припадници на Армијата.

Делегации од Министерството за одбрана, Генералштабот на АРМ и од Здружената оперативна команда (ЗОК) на АРМ, припадници на Воздухопловната бригада на АРМ, како и членови на семејствата на загинатите војници, ќе положат венци цвеќе на спомен -бележјата во касарната и на местото на несреќата кај Катлановско блато.

На одбележувањето на седумгодишнината кај спомен-обележјето кај Катлановско блато ќе присуствуваат и министерот за одбрана, Зоран Јолевски, началникот на ГШ на АРМ, генерал-потполковник Горанчо Котески, припадници на ЗОК и на Воздухопловната бригада на АРМ, како и претставници од Општина Петровец.

Македонските припадници на Армијата се враќаа од мисијата „Алтеа“ од Босна и Херцеговина.