Седма година по ред се одржува најголемиот гејминг настан во Македонија „А1 Гејм Фест 2024“. Настанот годинава ќе се случува на 14 и 15 декември во трговскиот центар Ист Гејт Мол.
Гејмерите ќе се натпреваруваат во турнири во најиграните видеоигри. На самиот настан ќе има многу интересни активности, меѓу кои и натпревар во Косплеј,кој, како и секоја година, така и оваа се очекува да привлече најголемо внимание.
Слоганот на настанот, како и минатата година, е „Гејмај одговорно“ при што се нагласува дека гејмингот е пасија за многумина, но сепак секогаш треба да се игра со ограниченост. Пријавувањето за сите игри и турнири е во тек, и за сите игри бројот на учесници е ограничен:
Counter-Strike 2: https://forms.gle/JEtZLwumrUqc3Hiz9
Dota 2: https://forms.gle/pWBos1bdu2YZAcwB9
EA SPORTS FC™ 25: https://forms.gle/7NJSBLZcVZuNq6XQ8
Tekken 8: https://forms.gle/8maTNMA9tDuxcikF6
Cosplay натпревар: https://forms.gle/ycJwCmPELwgaiwrz9
Иако и од самата видеонајава може да се дознае многу, најзаслужни за организирање на оваа манифестација, како и секоја година досега, се целиот тим на ГГ.МК и корпорацијата на А1.
Застапеноста на гејмерките како играчи на видеоигри секоја година е изненадувачки позитивна и бројот расте од година во година. Ана-Марија Глигорова е жена гејмер со која имаме претходно интервју токму на темата што значи да се биде жена-гејмер во Македонија. Таа годинава ќе биде коментатор на Текен 8 турнирот, а воедно ќе биде и еден од стримерите на манифестацијата.
ГГ.МК e првиот видеопоткаст во Македонија и првата онлајн емисија за гејминг која веќе со години известува за актуелните теми поврзани со видеоигрите, технологијата и попкултурата на светско и регионално ниво. Годинава прославија јубилеј од десет години, и активно се најголемиот медиум за гејминг во Македонија.
