fbpx

Се врши притисок врз администрацијата да оди на протест пред ДИК, тврди Кирацовски

-

„Од повеќе институции во Република Македонија имаме информации дека на вработените им се врши притисок од страна на раководителите, да дојдат пред ДИK и да протестираат за да извршат притисок врз нејзината работата и носењето на одлуки“, се огласи со соопштение, дополнителниот заменик-министер за информатичко општество и администрација, Александар Кирацовски.

– Сакаме да ја информираме јавноста дека извршување на партиски и изборни активности во текот на работното време во јавниот сектор е спротивно на член 38 од Законот за вработени во јавниот сектор, а вршењето закана, оневозможувањето и спречувањето на утврдување или објавување на резултатите од гласањето е казниво согласно член 158 од Кривичниот законик – се вели во соопштението.

Кирацовски наведува дека нема да биде дозволено кој било вработен во јавниот сектор да трпи притисоци и понижувања и да биде инструмент во рацете на режимските слуги во заминување!

Во насока на нивна заштита, поднесена е иницијатива до Државниот инспекторат за труд, Државниот управен инспекторат и до Министерството за внатрешни работи за вонреден надзор на работата на следниве институции: Општина Штип, Управа за јавни приходи – Регионална дирекција Штип и РЕК Битола.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...