Во сабота, на 18 декември во Музејот на современа уметност во Скопје се отвора меѓународната изложба „Сè што ни е заедничко“.
На оваа изложба од мултимедијален тип ќе бидат изложени дела од 11 меѓународно признати уметници: Францис Алис од Белгија, Марва Арсаниос, Шерон Хејс, Артур Џафа и Ву Цанг од САД, Хива К од Ирак, Јонас Стаал од Холандија, Дардан Жегрова од Косово, како и македонските уметници – Кристина Божурска, ОПА (Опсесивно посесивна агресија) и Игор Тошевски.
На отварањето кое започнува во 13:00 часот, ќе присуствуваат познатиот уметник од Ирак, Хива К, како и Дардан Жегрова од Косово. Уметникот Јонас Стаал од Холандија ќе го подари своето дело на музејот и со тоа ќе ја збогати вредната уметничка колекција на МСУ.
Изложбата е организирана од кураторите Мира Гаќина и Јованка Попова.
Мултимедијалната поставка ќе биде изложена до 31 март 2022 година и таа е реализирана со поддршка од Министерството за култура на Р.С. Македонија, ЕВН Македонија и Тиквеш.