Во Истанбул денеска свечено беше отворен третиот мост преку Босфор, Јавуз Султан Селим, наречен според отоманскиот султан од 16 век. Мостот е долг 1,4 километри, широк 59 метри и има осум сообраќајни ленти и железничка пруга.
Преку овој мост, кој ги поврзува Европа и Азија, се очекува да поминуваат 135.000 возила дневно, со што ќе се намали сообраќајниот метеж во Истанбул.
На свеченото отворање на мостот присуствуваше и претседателот Ѓорге Иванов, кој беше поканет од турскиот претседател, Реџеп Таип Ердоган.