Утрово интензивно се работи на фасадата на главната зграда на Владата. Во горниот дел се поставија шест скулптури на луѓе и една скулптура на лав.
Реконструкцијата на надворешниот изглед на фасадата почна во април 2013 година и е во рамките на проектот „Скопје 2014“. Градежните работи ги изведува фирмата „Бауер“, а за реконструкцијата се издвоени 9,2 милиони евра.
Фасадата на Владата беше избрана преку јавна анкета, на која беа понудени пет идејни решенија. Победничкото идејно решение го изработија архитектите Жарко Чаушевски и Филип Богатинов.