fbpx

Се истражува како се исплаќале плати и надоместоци на Клиниката за детски болести

-

Во тек е вонредна ревизија на досегашното работење во различни домени меѓу кои и исплата на плати и надоместоци на плата, дежурства и надоместоци за прекувремена работа на Клиниката за детски болести, соопштија попладнево оттаму. Ова следува откако беа објавени информации за работењето на поранешните директори Аспазија Софијанова и в.д. организациониот директор Мемеди Аљадин.

„По завршување на предметните ревизии и соодветните постапки Универзитетската клиника за детски болести во целост ќе ги побара неосновано исплатените средства утврдени од страна на надлежните институции“, наведено е во соопштението до медиумите.

Оттаму потенцираат дека доброволното враќање на неосновано надоместоци кои ги стекнала Софијанова на основа на дежурства, не ја ослободува од одговорноста пред законот и надлежните институции.

„Поради необезбедената согласност за организација на работа во дежурства за 2021 и 2022 година од страна на претходното раководство, сегашниот менаџмент не беше во можност да изврши исплата за месец октомври на вработените. Таа исплата ќе се изврши веднаш по добивање на потребната согласност. Исто така сакаме да посочиме дека платите на вработените не се намалени“, се наведува во соопштението.

Неодамна министерот Беким Сали побара да се повлечат од директорските позиции првите луѓе на клиниките за детски болести и за онкологија, а на нивно место подоцна беа назначени нови.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...