Наместо уредување на околината на партиското седиште на ВМРО-ДПМНЕ, еден милион и 377 илјади евра да се пренаменат за изградба на водовод во општината Шуто Оризари и да се воведе секојдневен бесплатен јавен превоз за студентите, предлагаат советниците на СДСМ од Град Скопје.

– Недозволиво е некои од граѓаните на Скопје да немаат пристап до чиста и здрава вода за пиење, а да се трошат еден милион и 377 илјади евра за уредување на просторот пред партиското седиште на Никола Груевски – изјави Дамјан Манчевски.

За предлог-одлуката за уредување на просторот кај седиштето на ВМРО-ДПМНЕ советниците треба да гласаат денеска.