fbpx

СДСМ се обврзува да овозможи професионалност и ефикасност на полицијата

-

„Да се биде дел од полицијата и од безбедносните служби е одговорност, но и чест, а за нив се потребни и совест и свест“, вели лидерот на СДСМ, Зоран Заев, во честитката по повод Денот на полицијата, 7 мај.

Во неа, меѓу другото, се вели дека СДСМ како партија што ќе ја предводи новата реформска влада се обврзува да создаде услови за професионална, модерна и ефикасна полиција, ослободена од лични, партиски и од какви било други влијанија.

„Ќе го заштитиме личното и професионално достоинство на сите припадници на полицијата и на безбедносните служби преку подобрување на условите за работа и на работниот статус. Ќе обезбедиме полиција што ќе ги штити граѓаните и неселективно ќе се бори со криминалот и со корупцијата преку непристрасно спроведување на законите за сите. Изразувам искрена почит и благодарност до сите професионалци кои во најтешките услови на режим, насилство и обиди за дестабилизација, одговорно и достоинствено работеа и работат во служба на граѓаните на Македонија“, се додава во честитката.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...