fbpx

СДСМ: Рекордно ниско ниво на странски инвестиции во земјава

-

Податоците на Народна банка покажуваат катастрофално ниско ниво на странските инвестиции во Македонија, велат од СДСМ во соопштение испратено до јавноста.

– Според Народна банка, во јуни и во јули оваа година, странските инвестиции во Македонија биле на рекордно најниско ниво во цела Европа, дури и зад најмладата држава на Балканот, Косово. Овие поразителни податоци покажуваат дека погрешните политки на Никола Груевски ги бркаат странските инвеститори од земјава. Народна банка го демантираше во целост Никола Груевски, кој секојдневно се расфрла со наводни инвестиции. Никола Груевски ветуваше милијарди евра инвестиции во Македонија. Излажа. Груевски живее во нереален, имагинарен свет – велат од СДСМ.

Тие посочуваат дека типичен пример за тоа е авантурата со контроверзниот бизнисмен Субрата Рој.

– Груевски најави инвестиција поголема од 200 милиони евра во агрокомбинатот Џумајлија и заедно со Субрата Рој ветија повеќе од 20.000 крави. Ова никогаш не се реализираше, а Субрата Рој заглави по индиските судови за сомнителни зделки – посочуваат од опозицијата.

Тие истакнуваат дека од Македонија заминеле 626.312 граѓани, наголем број високообразовани млади луѓе.

– Повеќе од 180.000 граѓани во Македонија едвај преживуваат со 40 денари на ден. Македонија е 12. земја по беден живот од 180 земји во светот. Повеќе од 10.000 фирми се затворени, а секоја трета е со блокирана сметка – се вели во соопштението на СДСМ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...