fbpx

СДСМ: Првичните резултати на ДИК покажаа дека режимот на Груевски е поразен

-

Првичните неофицијални резултати на Државната изборна комисија (ДИК) потврдија дека режимот на Никола Груевски е поразен, дека граѓаните покажаа дека сакаат живот во Македонија и избраа промени, се вели во реакцијата на СДСМ на првичните резултати од изборите и од симулацијата на пратенички мандати што синоќа ги објави ДИК.

Од најголемата опозициска партија, која според ДИК освои 49 пратенички места во Собранието, велат дека „објавените првични неофицијални резултати на ДИК покажуваат неизвесност околу бројот на добиени пратенички мандати“.

„Мал број гласови се одлучувачки за бројот на мандати во неколку изборни единици. Волјата на граѓаните за живот, за правда, за слобода е реализирана во услови на бројни нерегуларности и притисоци во предизборниот и во изборниот период. Ваквите проблеми кои имаат влијание врз конечниот исход од изборите, се констатирани и од набљудувачите на изборниот процес. До прогласувањето на конечните резултати од ДИК едно е кристално јасно. Времето на политичари како Никола Груевски заврши. Граѓаните си ја враќаат државата во свои раце“, се вели во соопштението од СДСМ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...