fbpx

СДСМ: Пресудата на Стразбур е доказ дека власта на Груевски ги прекрши Уставот и законите

-

Со пресудата на Судот во Стразбур се потврди дека на 24 декември 2012 година, Владата предводена од Никола Груевски изврши грубо прекршување на законите и на Уставот на Република Македонија, се вели во соопштението на СДСМ по повод пресудата на Европскиот суд за човекови права во корист на новинарите кои физички беа отстранети од собраниската седница на т.н. „црн понеделник“.

„Пресудата која е донесена едногласно е уште еден меѓународен пораз за Република Макеоднија, но и за Уставниот суд на РМ, кој го одби барањето на новинарите за заштита на слободите и на правата на новинарите. Ваквиот епилог во Европскиот суд за човекови права е доказ дека правдата е бавна, но сепак достижна. 24 декември ќе остане запишан како најцрниот датум во македонската современа историја, како ден кога се погазија сите човекови права и слободи, само затоа што така посака Никола Груевски“, стои во соопштеноето на СДСМ.

За никогаш повеќе да не се повтори „црниот понеделник“, додаваат од СДСМ, на Македонија итно ѝ е потребна нова влада, одговорна пред граѓаните.

„Доаѓа време на правда и на одговорност. Секој што го прекшил законот ќе мора да одговара без разлика дали бил нарачател или извршител на кривично дело“, нагласуваат од партијата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...