Најмалку што може да направи Миле Јанакиески по обелоденетиот скандал „Космос“, во кој тој е извршител на Груевски, е да им се извини на Фијат Цаноски и на граѓаните на Македонија и да замине од политичката сцена, велат од СДСМ.

„Со тоа нема да ја смени вистината за „модерните волови“ и динамити со коишто учествувал во уништувањето на милионска инвестиција, на семејство, дека бил соучесник во газењето на правото, но ќе покаже минимум совест. Го охрабруваме Јанакиески да најде капацитет за тоа. Што се однесува до правдата, ќе дојде момент, ќе си го најде местото. Тогаш ќе се види кој го почитувал, а кој го изиграл законот“, се вели во соопштението од СДСМ.