fbpx

СДСМ: Иванов да не брои до десет, Македонија има потреба од нова влада

-

Ѓорге Иванов нема потреба да чека десет дена, туку е неопходно конечно да постапи во согласност со Уставот и час поскоро да го додели мандатот за составување нова влада, на претседателот на СДСМ, Зоран Заев, побара утринава СДСМ.

Партијата потсетува дека процедурата е завршена и се чека само претседателот на Република Македонија да го додели мандатот.

„Веќе не постојат никави пречки за доделување на мандатот. Сите неразумни објаснувања од Иванов се побиени со разумни чекори од парламентарното мнозинство, кое внимателно постапи според деловникот, законите и Уставот. Така е избран новиот претседател на Собранието, кој веднаш испрати известување до Иванов дека има ново декларирано мнозинство. Исто така, идниот мандатар, претседателот на СДСМ, Заев, соопшти дека е подготвен повторно да ја реафирмира програмата на новата реформска влада, која ја штити унитарноста, се обврзува дека ќе работи во согласност со Уставот и со евроатлантските перспективи. Граѓаните, општините, институциите, компаниите, сите имаат итна потреба од придвижување на демократските процеси и од смирување на општествено-политичката состојба. Тоа е можно само со брзо формирање на новата влада“, се вели во соопштението од СДСМ.

Спроведувањето брз, мирен и сигурен трансфер на власта е врвен државен прироитет и секое спротивставување на демократсите процеси е противдржавно и противуставно дело кое е казниво со закон, порачува партијата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска го доби Ковачки на суд и се откажа од 10.000 евра што требаше тој да ѝ ги плати за клевета

Основниот граѓански суд - Скопје утврдил граѓанска одговорност за клевета врз министерката Славјанка Петровска од Драган Ковачки од ВМРО-ДПМНЕ. Петровска на својот профил на Фејсбук ја објави пресудата. „Како што...