„Груевски нема право да нуди 51 избран пратеник од ВМРО-ДПМНЕ, како да се негова лична своина. Прво, парламентарно мнозинство веќе постои и тоа никој не го бара од него. А, и дали некои од опозициските пратеници на ВМРО-ДПМНЕ ќе најдат здрав разум и ќе ги поддржат реформите по формирањето на новата реформска влада, исто така не зависи од Груевски“, се вели во редовното утринско соопштение на СДСМ.

Во него се додава дека граѓаните не сакаат повеќе памлети и ВМРО-ДПМНЕ ќе мора да се помири дека таканаречениот манифест може биде дел само од нивните витрини.

„Постои програма на новата реформска влада што е единствен валиден документ за граѓаните и кој им обезбедува квалитетен живот на сите, во правна држава, унитарна, со евроатлантски перспективи“, се додава во соопштението.