fbpx

СДСМ бара да се повлече ребалансот на буџетот додека не се расчисти случајот со обврзницата

-

Социјалдемократскиот сојуз на Македонија бара ребалансот на буџетот да биде повлечен од дневен ред на Собранието сè додека не се расчисти законитоста на постапката за издавање на еврообврзницата од 450 милиони евра, изјави денеска пратеникот на СДСМ во Собранието, Марјанчо Николов.

Николов вели дека по вчерашната изјава на министерот за правда, Валдет Џафери, дека Министерството за финансии не побарало правно мислење за издавањето на еврообврзницата, што е законска обврска во согласност со Законот за јавен долг, член 18, став 6, станало јасно дека е прекршена законската процедура за издавање на еврообврзницата од 450 милиони евра.

„Со оглед дека овие 450 милиони евра дополнително беа пресметани во ребалансот на буџетот за 2016 година и тоа по завршувањето на амандманската расправа како дополнет предлог од Владата, сметаме дека до расчистувањето на скандалот со прекршувањето на постапката за издавање на еврообврзницата ребалансот треба да биде повлечен за Собранието не биде доведено да изгласа буџет кој навистина е нереален. Се поставува прашањето што ако заради прекршување на Законот за јавен долг и постапката за издавање на еврообврзницата, истата биде поништена, а Собранието го изгласа ребалансот со калкулираните 450 милиони евра и истите бидат потрошени. Кој ќе ја сноси одговорноста?“, изјави Николов.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...