Официјален Ријад го нарече Иран „бесрамна земја“, која го поддржува тероризмот и работи против стабилноста во регионот.
Реакцијата на Саудиска Арабија доаѓа откако во Техеран се одржаа насилни протести против егзекуцијата на шиитскиот духовен лидер Нимр Бакер ал Нимр, при кои беше извршен упад во саудиската амбасада.
– Иранскиот режим е последниот режим во светот, кој може да обвинува други земји за поддршка на тероризмот и покрај тоа што тој самиот го поддржува тероризмот и од таа причина беше прекоруван од Обединетите нации и од голем број земји – изјави портпаролот на саудиското МНР, додавајќи дека е срамно Техеран да говори за човековите права кога минатата година егзекутирал стотици Иранци без јасна правна рамка.
Ријад во меѓувреме го повикал иранскиот амбасадор за да му врачи протестна нота поради „агресивните реакции на Техеран во врска со егзекуцијата на шиитскиот верски лидер“.
