Дводневното примирје по двогодишната војна во Јемен истече денеска напладне и нема да биде обновено, рече портпаролот на коалицијата што ја предводи Саудиска Арабија.
Примирјето кое еднострано го објави саудиската коалиција, не помогна да се запрат борбите во земјата меѓу Хутите, кои ги поддржуваат Иран и коалиционите сили.
И двете страни меѓусебно се обвинуваат за кршење на примирјето.
Во текот на 20 месеци, откако трае конфликтот, загинаа повеќе од 10.000 лица, а се раселени повеќе од три милиони.
Жителите на главниот град Сана изјавиле дека авиони на саудиската коалиција утринава бомбардирале воени бази на ридовите околу градот и оти од експлозиите се треселе станбените згради.
Сана е под контрола на Хутите, кои контролираат и големи делови од Јемен, без разлика на воената кампања на саудиската коалиција.
Саудиска Арабија се обидува да го врати на власт прогонетиот претседател на Јемен, Абда Раба Мансур ал Хади.
