Министерството за здравство информира дека во последните 24 часа во земјава се направени 1.325 тестирања, а регистрирани се 3 нови случаи на ковид-19, сите од Скопје.
Во истиот временски период, регистрирани се 45 оздравени пациент од: Скопје – 24, Битола – 6, Куманово и Радовиш – по 4, Виница – 3, Тетово, Кавадарци, Кочани и Кичево – по 1.
Пријавени се вкупно 5 починати лица: по едно лице од Скопје (72г), Радовиш (81г), Тетово (69г), Штип (50г) и Пробиштип (72г). Од пријавените, едно лице е починато во домашни, а останатите 4 во болнички услови.
Досега во земјата се направени вкупно 796.157 тестирања на Ковид-19.
Вкупната бројка на КОВИД-дијагностицирани лица во нашата земја од почетокот на епидемијата изнесува 155.272, бројката на оздравени пациенти е 148.709, на починати е 5.413, а бројот на активни случаи во моментов изнесува 1.150.
