Грција е гневна на одлуката на Британскиот музеј на Русија да ѝ се позајмат дел од Еглиновите мермери. Откако веста предизвика голем број реакции на социјалните медиуми, со критика и со осуда до музејот во Лондон се јави и грчкиот премиер Андонис Самарас, кој потегот го нарече навреда и предзивикување на грчкиот народ.
Според Самарас, со овој потег престанува да важи британскиот аргумент дека нема да дозволат да се поместат мермерите од Партенон и поради тоа не сакаат да ѝ ги вратат на Грција, како и аргументот дека нема соодветен простор да се чуваат мермерите од моментот кога е отворен новиот музеј на Акропол.
„Партенон и мермерите беа предмет на кражба. Вредноста на мермерите е бесценета. Ние, Грците, сме идентификувани со историјата и со нашата култура и тие не се делат, не се позајмуваат и не се подаруваат!“, изјави Самарас во веќе познат тон за важноста на грчката историја и на археолошки артефакти за грчкиот идентитет.