Македонските компании денеска се запознаа со можностите за претставување на саемот во Франкфурт.

Саемот не е комерцијален, туку е наменет за деловни активности во насока на зголемување на бизнис-активностите на компаниите од областа на текстилната индустрија, стоки за широка потрошувачка, автомобилска индустрија, техника, забава.

– Македонските компании можат да одат на нашите саеми како посетители или како излагачи, да ги претстават своите производи, да најдат застапници, да добијат свежи идеи, да согледаат што работи конкуренцијата, да ги видат моменталните трендови во светот – изјави застапникот на франкфуртскиот саем за Македонија, Марко Кољашиќ.

Според Стопанската комората, каде што се одржа презентацијата, условите што ги нуди франкфуртскиот саем се одлична можност за македонските компании да го зголемат извозот и да остварат нови деловни соработки со кои ќе се пробијат на нови пазари.

Саемот во Франкфурт има голема традиција и како бренд е присутен на повеќе саемски манифестации низ светот.