САД го засилија визниот режим за туристите од 38 држави, од кои 30 се европски. Мерката која беше преземена по терористичките напади во Париз минатиот месец, се содржи во законот за буџетот за следната година, која била донесена од Конгресот на САД и потпишана од претседателот Барак Обама вчера.
Според усвоената мерка, туристите од овие 38 развиени земји нема да имаат право да влезат во САД без виза, ако неодамна биле во Ирак, Сирија, Иран или Судан.
Меѓу земјите се и Белгија и Франција, на чии државјани не им беа потребни визи за влез во САД, но се најдоа на оваа листа бидејќи најголем дел од терористите од Париз се токму од овие две земји.
Постојаниот претставик на ЕУ во САД, Дејвид О‘ Саливен, се закани со реципрочна мерка. Тој побарал петте земји-членки на Европската унија, кои не се дел од американската програма за безвизен режим, да бидат вклучени во неа.