Руската војска потврди дека нејзините сили ги продолжиле нападите врз Украина по „велигденскоти примирје“, пишува Гардијан.
„Со завршувањето на примирјето, вооружените сили на Руската Федерација продолжија да ја спроведуваат специјалната воена операција“, соопшти руската војска.
Руското Министерство за одбрана тврди дека војската „строго го почитувала прекинот на огнот и останала на претходно окупираните линии и позиции“.
Ова е спротивно на прекршувањата на примирјето што Украина ги пријави откако Владимир Путин во саботата го најави велигденското примирје.
Украинските сили пријавиле речиси 3.000 прекршувања на рускиот прекин на огнот со најтешките напади и гранатирање забележани долж Покровскиот дел од линијата на фронтот, изјави денес украинскиот претседател Володимир Зеленски.
Во областа Керсон, три лица загинаа, а тројца беа повредени во руските напади во изминатиот ден, објави нејзиниот гувернер Олександр Прокудин во објава на Телеграм.
Тој рече дека цел на нападите биле станбени области и продавници.
Прекинот на огнот, кој стапи на сила на 19 април во 18 часот, беше на сила за време на велигденските празници.
