Машката штафета на Русија во дисциплината 4×50 метри мешовит стил, постави нов светски рекорд во малите базени на Светското првенство во Доха.
Делницата што во квалификациите ја исплива во слободен стил Евгениј Седов, во време од 20,62 секунди, ѝ донесе на Русија нов светски рекорд од 1:32.78 минути, што е за 87 стотинки подобрување во споредба со претходниот.
Покрај Седов, во штафетата беа и Станисла Донетц, Сергеј Гејбел и Алексадр Попков.
Второ место во штафетата освои Франција, додека третото место им припадна на Американците.
Тоа е четврти светски рекорд на шампионатот, по резултатите што ги оствари Миреја Болмонте Гарсија од Шпанија на 200 метри делфин и 400 метри мешано, и холандската женска штафета со 4×200 метри слободен стил.
