Русија до Советот за безбедност на ООН поднела предлог-резолуција за спречување на финансирањето на терористите од групата Исламска држава (ИД),  рекол на прес-конференција секретарот на постојаното претставништво на РФ во ООН, Алексеј Зајцев, соопшти „Риа новости“.

– Се подготвува резолуција насочена кон пресекување на изворите на финансирање на ИД. Се надеваме дека ќе биде усвоена во најскоро време – изјави Зајцев.

Според неговите зборови, предлогот е веќе доставен до Советот за безбедност.
– Во наредните денови ќе биде ставен на гласање – извести претставникот на мисијата.