fbpx

Русија трупа нови воени сили во Белорусија и не дозволува мир за божиќните празници

-

Русија доведува дополнителни мобилизирани резервисти во Белорусија, додека белоруската армија врши проверка на борбената готовност на својата армија со одржување на воени вежби во северозападниот дел од земјата. Русија воената агресија врз главниот град на Украина, Кијив, во февруари годинава ја изврши преку навлегување од Белорусија, при што повторно се појавуваат стравувања дека руското раководство би можело да ја искористи Белорусија за нови офанзивни дејствија против Украина.

Британското Министерство за одбрана во својот најнов извештај посочува дека белоруските воени сили, заедно со руските единици кои вежбаат во моментов,  веројатно нема да претставуваат сила способна да изврши нов успешен напад врз северна Украина, пишува Гардијан.

Инаку, Русија по првичната воена инвазија на Украина во февруари годинава ја окупираше нуклеарната електрана Чернобил и стигна до предградијата на Кијив, но не успеа да го зазеде украинскиот главен град, ниту пак да окупира некој од главните регионални центри во регионите Суми и Чернихив на северот на Украина. По неколкунеделните борби и воениот неуспех, Русија беше принудена да се повлече од северот на Украина.

Украинските власти соопштија дека руска воздухопловна база во Курск, Русија била погодена од беспилотни летала. Антон Герашченко, советник на украинскиот претседател Володимир Зеленски, објави дека во близина на воената база одекнале две експлозии во средата вечер, а во нападот учествувал „непознат дрон“, пренесува Гардијан.

Во меѓувреме, руското раководство изјави дека не планираат да воведат божиќен прекин на огнот во Украина. Портпаролот на Кремљ, Дмитри Песков изјави дека ваквата тема не е на дневен ред и е одговор на повикот на Володимир Зеленски Русија оваа недела да започне со повлекување на своите војници од Украина како прв чекор кон постигнување на мировен договор.

Песков рече дека нема да има мир со Кијив додека Зеленски не ја прифати „реалноста“ на теренот, мислејќи на руската окупација над делови од четири украински региони, коишто ги анектираше во септември годинава по принудните и незаконски „референдуми“ што се одржаа во овие региони.

Воените дејствија продолжија во Украина, при што од жестоките борби во изминатово деноноќие во Донецкиот регион загинаа најмалку двајца цивили, јавува Укринформ. Четири лица се повредени како резултат на руските напади врз населени места во овој регион. Украинските власти информираат дека најжестоки борби во моментов се водат во околината на градовите Бахмут и Авдивка во Донецкиот регион.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Изложба „Уметници и бегалци“ во Чифте Амам

Изложбата „Уметници и бегалци“ ќе се отвори во вторник (2 aприл) во Националната галерија Чифте Амам во скопската чаршија. Делата на изложбата се инспирирани од сведоштва кои биле директно раскажани...