fbpx

Русија трупа нови сили во Донбас, ЕУ договара поголема воена помош за Украина

Борел го поддржа повикот на Естонија до останатите земји-членки на ЕУ заеднички да пристапат кон набавката на оружје за да ѝ помогнат на Украина, што се смета за поефикасен пристап отколку поединечни земји на ЕУ одделно да прават нарачки

-

Русија довела нови воени сили во правецот на Донецк и го зголемила бројот на баталјони од 160 на 190. Регионалните украински власти од Донецкиот регион се повикуваат на разузнавачки извори, според кои бројот на баталјони се зголемени за само неколку недели, пишува Укринформ.

„Дури и доколку нивните единици не се на потребното ниво на подготовка, ова се многу луѓе. Мислиме дека најверојатно се подготвуваат за нешто. Најверојатно е тие да започнат офанзива на 24 февруари“, вели раководителот на воено-цивилната администрација во Авдивка, град кој се наоѓа долж самиот фронт во Донецкиот регион.

И шефот на европската дипломатија, Жозеп Борел вчера на Минхенската безбедносна конференција предупреди дека војната во Украина ќе заврши неславно доколку Европската Унија не пронајде начин во неделите што претстојат за да ја зголеми испораката на муниција и оружје за Украина, пренесува Гардијан.

Борел ја акцентираше важноста на посебниот состанок на министрите за одбрана на земјите-членки на ЕУ закажан за 8 и 9 март, на кој ќе им се даде можност на членките да понудат муниција за Украина од нивните постоечки залихи.

Инаку, Борел го поддржа повикот на Естонија до останатите земји-членки на ЕУ заеднички да пристапат кон набавката на оружје за да ѝ помогнат на Украина, што се смета за поефикасен пристап отколку поединечни земји на ЕУ одделно да прават нарачки. Министрите за надворешни работи на земјите-членки на ЕУ се очекува да разговараат за ваквиот план на Естонија во текот на денешниот ден.

Во текот на вчерашниот ден, од руското гранатирање на населени места во Донецкиот регион загинале најмалку тројца цивили, додека едно лице било повредено. Тројца цивили загинале како последица на руското гранатирање на Херсонскиот регион во изминативе 24 часа.

Најмалку две лица се повредени, а една жена е пријавена за исчезната по утринското гранатирање на Харкивскиот регион, пренесува весникот Гардијан. Генералштабот на украинската војска информира дека во текот на вчерашниот ден биле убиени 820 руски војници на фронтот. Ваквите тврдења не можат да бидат потврдени и од независни извори.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...