Јуриј Сергејев, украинскиот амбасадор во Обединети нации, изјави дека Русија се спротиставила на соопштението на Советот за безбедност при ОН, во кое се критикуваат изборите што се одржаа во Донецк и во Луганск на истокот на Украина.
Во предлог-текстот на Литванија пишува дека изборите се одржани во спротивност на мировниот договор од Минск, што беше потпишан во септември.
Европските лидери ù посочија на Русија дека не ги признаваат резултатите од изборите во Источна Украина, а генералниот секретар Бан Ки-Мун минатата недела изрази жалење поради изборите, бидејќи Русија објави дека ќе го признае исходот.