fbpx

Русија ќе мобилизира уште 300.000 војници, Украина вели тоа е очекуван потег

-

Околу 300.000 луѓе ќе бидат опфатени со делумната воена мобилизација, најави рускиот министер за одбрана Сергеј Шојгу. Тој претходно изјави дека ќе бидат повикани само оние лица кои имаат претходно армиско искуство. Според Шојгу, Русија не се борела против Украина, туку против целиот запад.

Министерот соопшти дека 5.937 руски војници загинале во конфликтот со Украина, што е многу помалку од проценките на Украина дека Русија изгубила над 50 илјади војници.

Претходно, истакнувајќи дека целта на Русија е ослободување на Донбас, Путин изајви дека мобилизацијата била неопходна за да се заштител народот на Украина. Тој нареди да се зголемат средствата за руската воена индустрија, за да се поттикне производството.

Според Михајло Подољак, советник на украинскиот претседател Володимир Зеленски, ова е сосема очекуван потег на Русија, што покажува дека војната не оди според нивниот план.

„Ова е апсолутно предвидлив потег, што повеќе личи како обид да се оправда сопствениот неуспех. Војната очигледно не се одвива според сценариото на Русија и Путин реши да направи крајно непопуларни чекори за мобилизација и строго ограничување на правата на луѓето“, вели Подољак, а пренесуваат светските новински агенции.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Сојузот на синдикати најави три протести, првиот ќе се одржи во вторник

Работниците и граѓаните повеќе немаат изговор да не учествуваат на протестите што ги организира Сојузот на синдикатите на Македонија (ССМ), рече првиот човек на Сојузот, Слободан Трендафилов, на прес-конференција...