fbpx

Рударите од Добрево и од Тораница најавуваат радикализација на штрајкот

-

Веќе осумнаесетти ден не работат рудниците во Добрево и во Тораница, откако рударите почнаа штрајк поради доцнењето на платите и лошите услови за работа.

Стотина рудари од рудникот Добрево, со кој управува индиската компанија „Индоминерали и метали“, денеска наидоа на затворени врати пред управната зграда на компанијата, каде бараа средба со раководството, но не беа примени на разговор.

Рударите одржаа средба со градоначалникот на Пробиштип, Тони Тоневски, кој им кажал дека до понеделник очекува владините преставници да се изјаснат за судбината на овој рудник, од кој само во Пробиштип егзистираат околу 500 семејства.

Рударите најавија дека доколку нема решение до вторник, тие ќе го радикализираат штрајкот.

Во Владата со денови очекуваат одговор од концесионерот, индискиот милионер Гокул Бинани, да се изјасни какви му се намерите со рудниците, односно дали ќе инвестира според преземените обврски од концесионерскиот договор, ќе прогласи стечај или, пак, ќе се бара нов концесионер.

Во меѓувреме, фирма од Скопје, кон која рудниците имаат долгови, веќе побарала стечај.

В.К.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...